Madaxweynaha Puntland Cabdiweli Maxamed Cali ayaa maanta oo Talaado ah si rasmi ah xariga uga jaray dhsimaha cusub ee wasaaradda.
Madaxweyne Cabdiweli ayaa ugu horayn sheegay in uu ku faraxsanyahay muhiimad gaarana u leedahay furitaanka dhismaha cusub ee Wasaaradda Xanaanada Xoolaha, maadaama ay tahay wasaarad ku hawlan ilaalinta iyo xanaanaynta laf-dhabarta dhaqaale ee dalka.
“Sharaf weyn bay ii tahay maanta in aan imaado Wasaaradda Xanaanadda xoolaha daahfuro xarigana ka jaro dhismaha cusub ee Wasaaradda, waan ku bogaadinaynaa dedaalka weyn ee ay geliyeen in Wasaaraddu hesho goob shaqo oo ku-filan oo lagu fuliyo shaqadda gaamurtey ee Wasaaradda Xanaanada Xoolaha, laf-dhabar bay u yihiin xooluhu dhaqaalaha Puntland iyo kan Soomaaliyeedba.” Ayuu yiri Madaxweynaha Puntland.
Wasiirka Wasaaradda Xanaanada Xoolaha Puntland Cabdijamaal Cusmaan Maxamed ayaa sheegay in dhismaha wasaaraddani ay ku baxyday lacag dhan $372,000, dhaqaalahaas oo ay bixisay Wasaaradda.
Warsidaha Puntland Mirror ayaa fahansan in dhaqaalaha ku baxay dhismaha cusub ee wasaarradda ay ahayd lacag kasoo xarootay kadib markii ay wasaaraddu iibisay xarunteedii hore oo kutaalay bartamaha magaalada Garoowe.
Related Posts
August 30, 2017 Shir ay hoggaaminayso Wasaaradda Arrimaha Gudaha ee Dowladda Federaalka Soomaaliya oo ka dhici doona gudaha magaalada Garoowe
July 23, 2019 New York Times cod-taleefoon oo ay heshay oo muujinaya in Qatar ay ka dambayso qarax ka dhacay magaalada Boosaaso
September 27, 2020 Raysulwasaaraha cusub ee Dowladda Federaalka Soomaaliya oo xilka la wareegay
February 15, 2018 Ciidamadda NISA oo ganacsade Maxamed Mire Cali Yuusuf muddo kooban ku xiray Muqdisho
