Garoowe-(Puntland Mirror) Wasiirka warfaafinta dowlada Puntland Maxamuud Xasan Soocade ayaa sheegay in Puntland ay kasoo horjeedo guddiga saxaafada Soomaaliya oo Khamiistii golaha wasiirada ay ku ansixiyeen magaalada Muqdisho.
Wasiirka warfaafinta dowlada Puntland ayaa sheegay in ay qaadaceen guddigaas isagoo sheegay in xubintii Puntland u soo dooratay booskan aan la gelin balse la gashay qof kale oo aysan Puntland soo dooran.
“Gabi ahaanba waan qaadacnay Guddigaasi, sababtoo ah qofbaan qoranay anaga xubintayadii dabadeedna waxaa dhacday qofkii aan qoranay qof aanan aheyn ayaa la geliyay Booskii, qof aanan matalin Puntland, sidaasi awgeed waan ka soo horjeednaa Guddigaasi.” ayuu yiri wasiir Soocade oo Saxaafadda la hadlay.
Guddiga ayaa golaha wasiirada dowlada federaalka Soomaaliya waxaa horgeeyay wasiirka warfaafinta dowlada federaalka Maxamed Cabdi Xayir Maareeye, waxaana golaha wasiirada ay si rasmiya ku ansixiyeen guddigaas.
Related Posts
December 26, 2020 Wasaaradda Arrimaha Gudaha Puntland oo shaqada ka joojisay duqa degmada Gaalkacyo
June 24, 2018 Puntland oo sheegatay masuuliyada weerar ka dhacay magaalada Laascaanood
June 22, 2016 Maleeshiyadii uu hoggaaminyay guddoomiyihii hore gobolka Bari Cabdisamad Gallan oo Carmo isaga baxay
April 11, 2019 Gobolada Puntland oo laga roob doonay
Be the first to comment