Weerarka ayaa ka dhacay meel u dhow tuulada Golweyn, taasoo 120km dhanka koonfurta uga beegan Muqdisho, waxaana lala beegsaday kolonyo baabuur ah.
Al-Shabaab ayaa sheegtay in ay weerarka ku dileen 39 askari oo katirsan ciidamada AMISOM, balse saraakiisha milatariga ayaa sheegay in tirada la buunbuuniyay.
Kolonyada ayaa katirsanayd ciidamada Uganada oo qayb ka ah AMISOM kuwaas oo ka tagay magaalada Shalanbood.
Dadka deegaanka ayaa warbaahinta u sheegay in ay arkeen Al-Shabaab oo dhulka ku jiidaysa meydka askarta.
Afhayeen u hadlay AMISOM oo la dhaho Wilson Rono ayaa xaqiijiyay weerarka gaadmada ah balse waxa uu qaadacay tirada ay Al-Shabaab sheegtay.
Ku dhawaad 22,000 ciidamo ka socda Midowga Afrika ayaa ku sugan gudaha Soomaaliya, waxayna dagaal kula jiraan ururka hubaysan ee Al-Shabaab, kuwaasoo doonaya in ay afgembiyaan dowladda uu caalamku taageerayo ee Soomaaliya oo fadhigeedu yahay Muqdisho.
Related Posts
February 5, 2017 Ciidamada booliiska Turkiga oo xiray boqolaal looga shaki qabo ururka Daacish kadib howlgalo ay ka sameeyeen dalka oo dhan
June 14, 2020 Dowladda Federaalka Soomaaliya oo maamulka Somaliland wadahadalo kula leh dalka Jabuuti
January 14, 2017 Dowladda Puntland oo sheegtay in 4,000 booyadood oo biyo ah la gaarsiin doono dadka ay abaartu saameysay
November 28, 2016 Puntland preparing to retake Qandala coastal town from ISIS
