Gaalkacyo-(Puntland Mirror) Ugu yaraan 12 qof ayaa ku dhimatay in ka badan 20 kalena waa ay ku dhaawacmeen kadib markii labo gaari oo ay wadaan naftood haligeyaal lagu qarxiyay xarunta dowlada hoose ee magaalada Gaalkacyo, sida ay sheegeen dadka deegaanka.
“Ugu yaraan 12 qof baa dhimatay oo ay ku jiraan dad shacab ah iyo saraakiil booliis ah kadib markii gaariyaal qarax ah lala eegtay xarunta dowlada hoose ee Gaalkacyo saakay.” Axmed Xasan Ciise oo ah dadka deegaanka Gaalkacyo ayaa sidaa khadka taleefoonka ugu sheegay warsidaha Puntland Mirror.
Kooxda hubaysan ee Al-Shabaab ayaa sheegatay masuuliyada weerarkaas, dhacay maanta oo Axad ah, sida lagu qoray warbaahinta taageerta kooxdaas.
Dhanka kale, saraakiisha dowlada Puntland ayaa si weyn u cambaareeyay qaraxyadaas, iyagoo wacad ku maray in ay sii wadi doonaan dagaalka ka dhank ah kooxda Al-Shabaab ilaa laga soo afjarayo.
Weerarka dhacay maanta oo Axad ah ayaa imaanaya asbuuc kadib markii shan sarkaal oo Al-Shabaab ah oo uu ku jiro nin ajnabi ah lagu soo qabtay howlgal ay si wadajir ah xaafada koonfurta Gaalkacyo uga sameeyeen ciidamada PSF ee Puntland iyo kuwa dowlada federaalka Soomaaliya ee Danab.
Related Posts
September 15, 2017 Puntland oo sheegtay in deegaano kamid ah Puntland ay dhibbaato ka wadaan ururka Takfiirka
September 8, 2017 Mareykanka oo duqayn cirka ah ku dilay dagaalyahan Al-Shabaab ah koonfurta Soomaaliya
August 12, 2018 Ciidamada AMISOM iyo kuwa Dowladda Soomaaliya oo howlgalo wadajir ah oo ka dhan ah Al-Shabaab ka sameeyay koonfurta Soomaaliya
October 13, 2016 Puntland iyo Galmudug oo madaafiic isweydaarsaday
