Ankara-(Puntland Mirror) Haayadaha amaanka Turkiga ayaa xiray maanta oo Axad ah kaaliye muhiim ah oo uu leeyahay wadaadka Fethullah Gulen oo fadhigiisu yahay dalka Maraykanka kaasoo ay dowlada Turkiga ku eedaysay isku-daygii afgembigii militari ee fashilmay.
Halis Hanci oo ah lagu sheegay inuu yahay gacanta midig ee Fethullah Gulen, ayaa la hubaa inuu dalka Turkiga soo galay kahor labo maalmood inta uusan dhicin afgembigii fashilmay, sida sarkaal madaxtooyada ah uu u sheegay saxaafada.
Sidoo kale galenkii hore shalay oo Sabti ahayd, haayadaha amaanka Turkiga ayaa xiray wiil uu adeer u yahay wadaadka Fethullah Gulen kaasoo lala xiriirinayo isku-dayga afgembiga, sida ay ku warantay wakaalada wararka Turkiga ee Anadolu.
Muhammed Sait Gulen ayaa lagu xiray magaalada Erzurum oo ku taala waqooyiga-bari, waxaana loo soo wareejin doonaa caasimada Ankara si su’aalo loo weeydiiyo.
Related Posts
November 12, 2018 Kenya Airways oo duulimaadyo toos ah ka bilaabi doonta Nairobi iyo Muqdisho
April 7, 2021 Wadahadalada u dhaxeeya madaxda Dowladda Federaalka Soomaaliya iyo Dowladdaha Xubnaha ka ah oo dib u bilaabmay
February 4, 2017 Cabdullaahi Cali Xasan oo ka tanaasulay musharaxnimadiisa madaxweynaha Soomaaliya
August 14, 2018 Baarlamaanka Puntland oo meelmariyay in dib loogu noqdo doorashada ku saleysan hab beeleedka
