Muqdisho-(Puntland Mirror) Todobo askari oo Kiinyaati ah iyo ugu yaraan shan askari oo ciidamada dowladda Soomaaliya katirsan ayaa lagu dilay weerar ay Al-Shabaab la beegsatay oo ka dhacay tuulada Hoosingo ee gobolka Jubbada Hoose, sida ay sheegeen ilo-wareedyadu.
Ugu yaraan toban askri oo ka kalatirsan labada dal ayaa sidoo kale ku dhaawacmay weerarka.
Weerarka ayaa dhacay maalintii Axada iyadoo ciidamada huwanta ah ay ka yimaadeen Hoosingo una socdeen magaalada Dhoobley markii baabuurtoodii ay la kacday miinada dhulka lagu aaso, sida ay ilo-wareedyadu sheegeen.
Ururka hubaysan ee Al-Shabaab ayaa sheegtay masuuliyada weerarkaas, ururka ayaa sheegay in ay u adeegsadeen qaraxa la macmalo si ay ugu waxyeeleeyaan ciidamada huwanta ah ee dagaalka kula jira iyaga.
Related Posts
August 15, 2016 Saddex kamid ah ciidamada Masar oo lagu dilay qarax ka dhacay gobolka Siinaay
August 27, 2016 RW Japan Shinzo Abe oo Afrika u balanqaaday $30 bilyan afarta sanno oo soo socda
April 24, 2018 Wasiirka Gaashaandhiga dowladda federaalka Soomaaliya oo xilkii iska casilay si uu ugu tartamo guddoomiyaha baarlamaanka
March 24, 2019 Golaha deegaanka Gaalkacyo oo lasoo doortay, dumarka oo helay lix xubnood
