Garoowe-(Puntland Mirror) Siyaasi Cabdi Xaaji Yuusf “Shuluco” ayaa ku dhaawacmay shil gaari oo ka dhacay shalay galab oo Khamiis ahayd duleedka magaalada Garoowe, sida ay warsidaha Puntland Mirror u xaqiijiyeen dhaqaatiirta caafimaadka isbitaalka guud ee Garoowe.
Shuluco ayaa shilka gaari ku galay deegaanka Buurwadal oo qiyaastii 30km dhinaca waqooyiga uga beegan magaalada Garoowe ee caasimada Puntland.
Dhaqaatiirta isbitaalka Garoowe ayaa Puntland Mirror u sheegay in siyaasiga xaaladiisa caafimaad ay aad u fiicantahay iyadoo dhaawac kasoo gaaray faraha adimada sidoo kalena dhaawac fudud uu ka gaaray madaxa.
Siyaasi Cabdi Xaaji Yuusf “Shuluco” ayaa ah siyaasi caan ah oo aad looga yaqaan Puntland iyo Soomaaliya, sanadkii 2008- da wuxuu kamid ahaa murashaxiintii madaxtinimada Puntland, kahorna wuxuu soo noqday wasiir Puntland ah, sidoo kalena Cabdi Shuluco ayaa jagooyin sare kasoo qabtay dowladii dhexe Soomaaliya ee Maxamed Siyaad Bare isagoo gaaray agaasime guud.
Related Posts
May 6, 2018 Garoowe – Magaalo Horumaraysa oo Hogaan Xumo Ragaadisay
February 24, 2017 Afar katirsan shaqaalaha haayada Save the Children oo maleeshiyaad looga shaki qabo Al-Shabaab ay ku afduubteen gobolka Hiiraan
March 17, 2018 International community concerned by recent political developments in Mogadishu
December 11, 2016 Tirada dhimashada oo gaartay 30 qof kadib qarax gaari oo ka dhacay banaanka hore ee dekada weyn ee Muqdisho
