Saddex maleeshiyo ah oo katirsan Al-Shabaab oo lagu dilay duqeyn Mareykanka uu ka geystay gobolka Jubbada Dhexe

Taliska Mareykanka ee Afrika ayaa bayaan ku sheegay in duqeynta ka dhanka ah Al-Shabaab ay ka dhacday Isniintii meel u dhow magaalada Jilib ee gobolka Jubbada Dhexe.

Arbacadii, Mareykanka ayaa beeniyay sheegashada Al-Shabaab in ay dishay askari Mareykan ah. Warbaahinta Al-Shabaab, Radio Al Andalus, ayaa sheegay in askari Mareykan ah lagu dilay dagaal duleedka Kismaayo ka dhacay subaxnimadii Talaadada.