Muqdisho-(Puntland Mirror) Midowga Afrika ayaa sheegay in $199.6 milyan oo ah taageero maaliyadeed ay ka heleen Midowga Yurub, dhaqaalahaas ayaa loogu deeqay Howlgalka Midowga Afrika ee gudaha Soomaaliya, iyadoo dalka Soomaaliya uu isku diyaarinayo doorasho bisha soo socota.
Heshiiska ayaa la saxiixay Arbacadii lasoo dhaafay waxaana lacagtaas lagu bixinayaa mudadii u dhaxaysay 1-da Janaayo ilaa iyo 30-ka September, 2016, oo ah dhaqaale loo isticmaalay mushahaarka ciidamada howlgalka iyo booliis, mushahaarka shaqaalaha caalamiga ah iyo kuwa maxaliga ah iyo kharashaadka howlgalada, sida lagu sheegay bayaan kasoo baxay Midowga Afrika.
Midowga Yurub ayaa ah dhaqaale bixiyaha ugu weyn ee Howlgalka Midowga Afrika ee Soomaaliya (AMISOM), horey waxay u baxsheen dhaqaale ku dhow 1.2 bilyan oo lacagta Yuraha ah tan iyo sanadkii 2007, bar kamid ah lacagtaas ayaa ku baxday mushahaar. Tabarucaadii Midowga Yurub ee AMISOM ayaa tan iyo bishii Janaayo ee sanadkan 30% laga jaray sababtoo ah xadayn misaaniyadeed.
“Taageerada dhaqaalahan cusub ayaa imaanaya iyadoo lagu jiro xilli khatar ah, mar ay AMISOM ku mashquulsantahay howlgalo waa-weyn oo lidi ku ah maleeshiyada Al-Shabaab iyo isu diyaarinta doorashooyinka dalka Soomaaliya,” sidaa waxaa bayaan ku yiri Midowga Afrika.
Soomaalida ayaa isku diyaarinaysa in ay doorato madaxweynaha dalka 30-ka bisha Oktoobar ee soo socota.
Related Posts
September 13, 2020 Raysulwasaarihii hore ee Soomaaliya Xasan Cali Khayre oo ku dhawaaqay in uu u tartami doono madaxweynenimo
July 28, 2018 Madaxweynaha Dowladda Federaalka Soomaaliya oo u safray dalka Eriteeriya
August 27, 2016 Gugii Carabta kama dhici karo gudaha Zimbabwe, Mugabe oo u digay dadka banaanbaxa samaynaya
May 18, 2019 Ku dhawaad 16,000 arday oo u fariistay imtixaanka fasalka 4 iyo fasalka 8 gudaha Puntland
Be the first to comment