Muqdisho-(Puntland Mirror) Madaxweynaha dowlada Puntland Cabdiweli Maxamed Cali oo safar shaqo u jooga Muqdisho ayaa maanta oo Arbaco ah kulan kula qaatay xarunta safaarada Turkiga uu ku leeyahay caasimada Soomaaliya safiirka Turkiga ee Soomaaliya Olgan Bekar.
Kulanka ayaa looga hadlay sidii loo xoojin lahaa xiriirka ka dhaxeeya dalka Turkiga iyo dowlad goboleedka Soomaaliyeed ee Puntland.
Sidoo kale kulanka ayaa looga hadlay sidii Turkiga uu gacan uga geysan lahaa dhibaatadii ka dhalatay weerarkii dhawaan kooxda argagixisada ku qaadeen magaalada Gaalkacyo oo ay ku burbureen hanti badan oo ay kamidyihiin suuqa ganacsiga Xero-Dayax iyo cisbitaalka magaalada Gaalkacyo.
Dhankiisa, safiir Bekar ayaa uga tacsiyeeyay dhamaan shacabka Puntland dhibaatadaas, wuxuuna cadeeyay in dalkiisa Turkiga uu ka qayb qaadan doono mashruuca dayactirka hantidii ku burburtay weerarkii magaalada Gaalkacyo ay ka geysteen kooxda argagixisada ah ee Al-Shabaab.
Soomaaliya ayaa lagu tiriyaa wadanka saddexaad oo hela mashaariicda horumarineed ee Turkiga tan iyo 2012-kii, balse Puntland wali wax mashaariic ah kama helin Turkiga.
Related Posts
February 26, 2017 Cabdikariim Xuseen Guuleed oo arrimo caafimaad isaga casilay madaxweynenimada maamulka Galmudug
December 14, 2019 Madaxweynaha Puntland oo wasiirka maaliyada Itoobiya kulan kula yeeshay Addis Ababa
January 28, 2017 Midowga Afrika oo soo jeediyay in 4,000 ciidamo dheeraad ah la geeyo gudaha Soomaaliya
October 15, 2018 Four Al-Shabab fighters killed in U.S. airstrike in Lower Juba region
Be the first to comment