Aaska qaran ayaa waxaa ka qaybgalay madaxweynaha Puntland, guddoomiyaha maxkamada sare ee dowladda federaalka Soomaaliya iyo masuuliyiin kale oo ka socday heer federal iyo Puntland.
Madaxweyne Siciid Cabdullaahi Deni ayaa u duceeyay guddoomiyihii hore ee maxkamada sare Puntland in uu Ilaahay u naxariisto.
“Waxaan maanta halkan ku aasnay marxuum Dr. Yuusuf Xaaji Nuur oo ahaa mid ka mid ah tiirarka dowladnimada Puntland iyo guud ahaan Soomaaliya, ahaana gudoomiyihii maxkamadda sare ee Puntland, Alle naxariistii Jano ha siiyo inagana Samir iyo iimaan Alle ha inaga siiyo, nin Rabbi yaqaan oo caadil ah buu ahaa, si gaar ah waxaan uga tacsiyaynayaa bahda garsoorka, eheladii, asxaabtii, qaraabadii iyo qoyskii uu ka baxay Alle ha u naxariistee Marxuumku.” Ayuu yiri Madaxweynaha Puntland.
Yuusuf Xaaji Nuur oo labo jeer soo noqday guddoomiyaha maxkamada sare ee Puntland, ayaa asbuucaan ku geeriyooday dalka Turkiga, halkaas oo meydkiisa laga soo duuliyay.
Related Posts
September 13, 2016 Hillary Clinton oo sheegtay in ay dareemayso caafimaad kadib markii Axadii uu xanuun qabtay
August 5, 2016 Madaxweynaha dowlada federaalka Soomaaliya oo u safray Addis Ababa si uu uga qaybgalo shirka urur goboleedka IGAD
March 17, 2017 Turkiga oo saldhigiisa milatari ee gudaha Soomaaliya furi doona bartamaha bisha April ee sanadkan
January 9, 2017 Erdogan oo wacad ku maray in uu la dagaalami doono Islaam naceybka iyo ajaaniib naceybka
