Kismaayo-(Puntland Mirror) Ciidamada dowlada Soomaaliya oo ay dabada ka riixayaan kuwa AMISOM ayaa ku dilay deegaan u dhow tuulada Beerxaani oo kutaala gobolka Jubbada Hoose ugu yaraan sideed dagaalyahan oo Al-Shabaab ah, sida ay maanta oo Talaado ah tabisay wakaalada wararka dowlada Soomaaliya ee Sonna.
Isaga oo la hadlayay Sonna taliyaha ciidamada Soomaaliya Janaraal Cali Baashi ayaa cadeeyay in ciidamada dowlada federaalka Soomaaliya oo taageero ka helaya kuwa AMISOM in ay qaadeen howlgalo ayna ku dileen ugu yaraan sideed dagaalyahan oo katirsan kooxda hubaysan ee Al-Shabaab.
Dilka dagaalyahanada Al-Shabaab oo ay sheegatay dowlada ayaa imaanaya iyadoo ciidamada dowlada federaalka Soomaaliya iyo AMISOM ay wadaan howlgalo culus oo ka dhan ah saldhigyada Al-Shabaab ee gobolada Jubbada Hoose iyo Jubbada Dhexe.
Related Posts
October 26, 2016 Donald Trump: qorshaha siyaasadda arrimaha dibada ee Hillary Clinton waxay bilaabi doontaa Dagaalka Saddexaad ee Aduunka
July 24, 2023 MSF oo joojinaysa adeegyadii caafimaad ee isbitaalka Laascaanood
June 4, 2016 Zlatan Ibrahimovic oo ku biiri doona naadiga Manchester United
July 7, 2018 Al-Shabab blast kills at least 10 in Mogadishu
