Muqdisho-(Puntland Mirror) Diyaaradaha dagaalka Kenya ayaa duqeeyay saldhigyo ay al-Shabaab ku leedahay gobolka Gedo, sida uu sheegay sarkaal.
Guddoomiyaha gobolka Gedo, Axmed Buule Xasan oo la hadlay saxaafada gudaha ayaa sheegay in diyaaradaha dagaalka ee dalka Kenya ay gantaalo badan ku garaaceen saldhigyada maleeshiyada al-Shabaab ay ku leeyihiin meel u dhow deegaanka Ceel-cade ee gobolka Gedo.
Ma jirto tiro sax ah oo ku saabsan inta ay dhantahay maleeshiyada ku dhimatay duqaynta, balse guddoomiyaha ayaa sheegay in maleeshiyaad badan lagu dilay duqayntaas.
Diyaaradaha dagaalka ee Kenya ayaa waday duqaymo joogto ah tan iyo bishii Janaayo ee sanadkan, kadib markii dagaalyahanada al-Shabaab ay weerar ku dileen in ka badan 100 ciidamada Kenya ah deegaanka Ceel-cade.
Related Posts
May 31, 2020 Somalia Says Elections Set for Early 2021 Despite Virus Risk
August 6, 2017 Ciidamada Puntland oo wariye ku xiray gudaha magaalada Garoowe
February 13, 2017 Ugu yaraan 11 qof oo lagu dilay weerar isbiimayn ah oo lala eegtay dad banaanbax sameynayay gudaha magaalada Lahore ee Pakistan
February 6, 2020 Puntland oo xirtay xafiiska ay Garoowe ku lahaayeen Guddiga Doorashooyinka Dowladda Federaalka Soomaaliya
