Beled-xaawo-(Puntland Mirror) Dagaal culus oo u dhaxeeya ciidamada Dowladda Federaalka Soomaaliya iyo maleeshiyo daacad u ah wasiirka amniga baxsadka ah ayaa ka dhacay meel u dhow xadka Kenya.
Dagaalka ayaa bilowday markii maleeshiyaad daacad u ah Cabdirashiid Janan, wasiirka amniga Jubbaland oo dhawaan ka baxsaday xabsi kuyaala Muqdisho, ay soo weerareen ciidamada dowladda oo ku sugan magaalada Beled Xaawo, sida ay sheegeen ilo-wareedyo deegaankaas jooga.
Labada dhinac ayaa madaafiic isku adeegsaday, kaasoo burburiyay hanti badan ayna dadka deegaanku ka carareen magaalada, goobjooge ku sugan halkaas ayaa u xaqiijiyay warbaahinta caalamiga ah ee Bloomberg.
Janan ayaa la xiray bishii Agoosto 2019 iyadoo lagu eedeeyay dambiyo aadanaha ka dhan ah, balse waxa uu xabsiga ka baxsaday bishii Janaayo.
Dagaalka ayaa imaanaya iyadoo uu meel adag marayo khilaafka u dhaxeeya Dowladda Federaalka Soomaaliya iyo dowlad goboleedka Jubbaland.
Related Posts
September 17, 2018 Puntland oo laga yaabo in ay lumiso mashruuc labaad oo muhiim ah
December 9, 2019 Ku dhawaad 250 geel ah oo ku dhaabtay miyiga gobolka Nugaal oo la baadbaadiyay
February 14, 2017 Walaalka hoggaamiyaha Waqooyiga Kuuriya oo lagu dilay gudaha dalka Malaysia
September 21, 2023 Wasiir ku xigeenka waxbarashada Puntland oo shaqo joojin ku sameeyay agaasimaha waaxda tayeynta tayo dhowrka, manaahijta, iyo kormeerka khalad ku qoran buug kamid ah manhajka awgiis
Be the first to comment