Ciidamada ammaanka maamulka Somaliland oo garoonka diyaaradaha Hargeysa ku xiray wariye Cooldoon

Coldoon oo kasoo jeeda maamulka Somaliland ee waqooyiga Soomaaliya ayaa maalmihii u dambeeyay joogay caasimada Soomaaliya ee Muqdisho.

Maanta oo Arbaco ah ayaa wariyuhu ku noqday magaalada Hargeysa , waxaana isla markiiba garoonka diyaaradaha ka qabsaday ciidamada maamulka Somaliland.

Ma jirto war sax oo ku saabsan sababta loo xiray Cooldoon, balse wararka ayaa sheegaya in loo xiray kadib markii uu la kulmay madaxweynaha cusub ee dowladda federaalka Soomaaliya Maxamed Cabdullaahi Farmaajo.

Cabdimaalik Cooldoon ayaa ah wariye inta badan ka shaqeeya kaalmeynta dadka masaakiinta ah.