Muqdisho-(Puntland Mirror) Ciidamada amaanka dowlada federaalka Soomaaliya ayaa maanta oo Isniin ah xiray labo nin oo looga shaki qabo kooxda Al-Shabaab kadib markii ciidamada ay howlgal ku qaadeen degmada Dharkeynlay ee magaalada Muqdisho.
Afhayeenka wasaarada amniga qaranka, Cabdikaamil Macalim Shukri oo la hadlay warbaahinta dowlada ayaa sheegay in ciidamada xireen labo nin oo Al-Shabaab looga shaki qabo.
“Ciidamada amaanka waxay xireen labo nin oo Al-Shabaab looga shaki qabo kadib markii ay ciidamada howlgal ku qaadeen meelo ay ku dhuumaalaysanyeen oo kuyaala degmada Dharkeynlay ee Muqdisho,” ayuu yiri Cabdikaamil.
“Hadda waxay ku jiraan baaritaan,” ayuu ku daray.
Al-Shabaab ayaa laga saaray magaalada Muqdisho sanadkii 2011, balse maleeshiyada ayaa sii wada weeraro dhimasho oo ay ka geysato caasimada.
Related Posts
April 18, 2017 Seven Kenyan soldiers and at least five Somali forces killed in Al-Shabab attack in Lower Juba region
February 17, 2018 11 qof oo muhaajiriin Soomaali ah oo kayimid Liibiya oo kusoo noqday Muqdisho
March 8, 2017 Mutinous Puntland forces seize southern checkpoint of Garowe
October 14, 2016 Ku dhawaad 10 askari oo Masaari ah oo lagu dilay gobolka Siinaay ee dalka Masar
Be the first to comment