“Murashixiintu waxa ay hor imaanayaan meel cadaan ah, xildhibaanada warqad baa loo dhiibayaa, warqadaas bay magac ku soo calaamadinayaan, dib bay u soo celinayaan, sanduukhay ku ridayaan, hadhowna waa la tirinayaa,” ayuu yiri Cabdiraxmaan Bayle.
“Marka wax intaas ka duwan oo anigu oran karo waa uu dhacayaa majiro, marka dee mala awaal baa iska jira, sida imminka wax u socdaan waa ka digtoonaan doonaa in inta aan sheegay wax ka duwan ay ka dhacaan golaha.” Ayuu ku daray.
Ugu dambayna, Mr Bayle ayaa sheegay in shacabka Soomaaliyeed ay ku kalsoonaadaan xildhibaanadooda, waxaana uu carabka ku adkeeyay in ay dooran doonaan qof dalka lagu aamini karo.
Doorashada madaxweynaha Soomaaliya ayaa la qorsheeyay in ay dhacdo 8-da bisha Febaraayo ee soo socota.
Ku dhawaad 24 musharixiin ah oo ay kamidyihiin Madaxweynaha hadda xafiiska jooga Xasan Shiikh Maxamuud iyo Raysulwasaaraha imminka Cumar Cabdirashiid Cali Sharmaake.
Related Posts
February 2, 2017 Ey dilay cunuga madaxweynaha dalka Gambia oo la dilay
February 21, 2017 Maraakiib jariif oo ajnabi ah oo yimid xeebta Boosaaso
June 9, 2016 Al-Shabab militants attack base of Ethiopia troops in central Somalia
January 29, 2017 Senior Al-Shabab leader killed by Somali forces in Gedo region
Be the first to comment