Muqdisho-(Puntland Mirror) Golaha wasiiradda Dowladda Federaalka Soomaaliya ayaa maanta oo Khamiis ah Asad Cismaan Cabdullaahi u ansixiyay in uu noqdo taliyaha cusub ee booliiska Soomaaliya kadib soo jeedinta wasaaradda amniga qaranka.
Asad oo ah siyaasi dhallinyaro ah oo miisaan culus ku leh deegaanada Puntland ayaa soo noqday agaasimaha ciidamada PSF oo ah ciidamada ugu tababarka wanaagsan Puntland kuwaasoo muddo sannooyin ah dagaal kula jiray kooxaha argagixisada. Waxa kale oo uu laba jeer u tartamay jagada madaxtinimo ee Puntland.
Rasaasta hubka noocyasiisa kala duwan ayaa laga maqlay magaalooyinka waaweyn ee Puntland, sida Boosaaso iyo Garoowe, kuwaasoo la sheegay in loogu dabaaldegayay magacaabista Asad.
Xilligii madaxweynihii hore ee Puntland Cabdiraxmaan Maxamed Faroole ayaa Asad loo dalacsiiyay darajada Janaraal markaas oo uu agaasime u ahaa ciidanka PSF.
Related Posts
November 20, 2017 Madaxweynaha dowladda Puntand oo u safray dalka Itoobiya
October 5, 2016 Puntland oo 26 maxbuus oo Al-Shabaab ah ku wareejisay dowlada federaalka Soomaaliya
December 27, 2017 Mareykanka oo sheegay in ay 13 maleeshiyo Al-Shabaab ah ku dileen duqeyn ka dhacday koonfurta Soomaaliya
May 2, 2017 Two Al-Shabab fighters killed in battle with Somali government forces in Lower Shabelle region
