Muqdisho-(Puntland Mirror) Ciidamada dowlada federaalka Soomaaliya ayaa ku dilay sarkaal sare oo al-Shabaab ah meel u dhow magaalada Beledweyne ee gobolka Hiiraan maanta oo Sabti ah, sida uu sheegay sarkaal.
Taliye ku-xigeenka howlaha amaanka ee Beledweyne, Maxamed Ibraahim, ayaa wakaalada wararka dowlada Soomaaliya (Sonna) u sheegay in taliye al-Shabaabka ah lagu dilay intii uu socday dagaal culus oo u dhaxeeyay ciidamada dowlada iyo maleeshiyada.
“Ciidamada dowlada waxay dileen sarkaalkii al-Shabaab u qaabilsanaa howlaha militariga ee gobolkan, waxaana la dhihi jiray Cabdi Aadan, wuxuu dhawaan ku bireeyay oday nabad-doon ahaa meel u dhow Beledweyne, maanta ayuu ku dhintay dagaalka u dhaxeeyay ciidamada dowlada iyo maleeshiyada oo ka dhacay aagaas, ciidamada guul bay ka gaareen howlgalkaas,” ayuu yiri Maxamed Ibraahim.
Ciidamada dowlada Soomaaliya ayaa howlgalo ka dhan ah dagaalyahanada al-Shabaab ka waday sanadkan koonfurta iyo bartamaha Soomaaliya.
Related Posts
January 29, 2020 Shiikh Shaakir oo ku dhawaaqay in loo doortay Madaxweyne iyadoo Galmudug ay ku jirto jaahwareer
February 25, 2017 Madaxweynaha Puntland oo Cabdinaasir Biixi Soofe u magacaabay agaasimaha madaxtooyada
June 26, 2017 Al-Shabab releases first photo of its former leader
February 9, 2021 Golaha Ammaanka Qaramada Midoobay oo yeelanaya shir ku saabsan Soomaaliya
