Duqeyn Mareykanku ka geystay meel u dhow Kismaayo oo lagu dilay labo maleeshiyo oo Al-Shabaab katirsan

Duqeynta ayaa ka dhacday meel qiyaastii 46 kiilomitir dhanka waqooyi-bari kaga beegan magaalo xeebeedka Kismaayo ee gobolka Jubbada Hoose, sida ay sheegeen AFRICOM, oo intaas ku daray in aysan jirin dad rayid ah oo lagu dilay weerarka.

Tani waa weerarkii labaad oo ka dhan ah Al-Shabaab inta lagu guda jiray bisha Agoosto. Duqeyn uu Mareykanku ka geystay horaantii bishaan degaan dhanka waqooyi-galbeed kaga beegan Muqdisho ayaa lagu dilay afar dagaalyahan.