Kismaayo-(Puntland Mirror) Madaxweynayaasha maamul goboleedyada Soomaaliya oo maalmahaan Kismaayo shir uga socday ayaa sameystay gole iskaashi iyagoo madaxweynaha dowladda Puntland Cabdiweli Maxamed Cali u doortay guddoomiyaha golaha iskaashiga maamul goboleedyada, sida lagu sheegay bayaan.
“Iyadoo la tixgelinayo qodobka 52-aad ee dastuurka qaranka oo tilmaamaya muhiimada ay leedahay iskaashi ay wada yeeshaan dowlad goboleedyada, ayaa goluhu wuxuu isku raacay in la asaaso Iskaashiga Dowlad Goboleedyada (GIDG),” ayaa lagu yiri bayaanka.
“Goluhu waxay guddoomiye iyo ku xigeen u kala doorteen sannadka kowaad madaxweynaha dowlad goboleedka Puntland Mudane Cabdiweli Maxamed Cali Gaas (guddoomiye) iyo madaxweynaha Hir-shabelle Mudane Maxamed Cabdi Waare (ku xigeen),” ayaa lagu sii daray.
Ugu dambayn golaha ayaa bayaankooda ku sheegay in ay ka shaqeyn doonaan horumarinta danaha dowlad goboleedyada oo ay barbar socoto dib u heshiin dhab ah oo ku salaysan heer bulsho taas oo horseedi doonta deganaan iyo xasilooni waarta.
Tilaabadaan ayaa imaanaysa iyadoo uu jiro khilaaf u dhaxeeya dowladda dhexe ee uu hoggaaminayo madaxweyne Farmaajo iyo maamul goboleedyada, khilaafkaas ayaa sii xumaanayay maalmihii lasoo dhaafay.
Related Posts
September 17, 2019 Madaxweyne Deni: Puntland iyadaa u madaxbanaan khayraadka dabiiciga ah ee ku jir dhulkeeda
December 31, 2017 Madaxweyne ku xigeenka Puntland oo soo dhaweeyay xabad joojinta laga gaaray dagaalo ka dhacay deegaanada miyiga ee kuyaala xadka gobolada Nugaal iyo Sool
November 24, 2018 Ciidamada PSF Puntland oo sheegay in ay fashiliyeen weerar Al-Shabaab gudaha buuraha Galgala
August 30, 2016 Ugu yaraan 10 qof oo lagu dilay qarax isbiimayn ahaa oo ka dhacay banaanka hore ee xarunta madaxtooyada Soomaaliya ee Muqdisho
