Wasiirka Arrimaha Dibada Soomaaliya Axmed Ciise Cawad iyo dhiggiisa Kenya Monica Juma ayaa Arbacadii kulan ku yeeshay magaalada Nayroobi, iyaga oo ka wadahadlay xiisada ka taagan xadka u dhaxeeya labada dal.
Labada wasiir ayaa isku afgartay in la fuliyo go’aankii madaxweynayaasha labada dal ay ka gaareen xiisada Beled Xaawo. Kuwaasoo khadka taleefoonka kuwada hadlay dhawaan.
Madaxweynaha Soomaaliya Maxamed Cabdullaahi Farmaajo iyo dhigiisa Kenya Uhuru Kenyata ayaa wadahadal ay ku yeesheen khadka taleefoonka isku raacay in la hakiyo dhismaha derbiga ka socda xadka Kenya iyo Soomaaliya, wadahadalna lagu xaliyo arrimaha keenay xiisada.
Maalmihii lasoo dhaafay xiisad ayaa ka taagneyd magaalada Beled Xaawo kadib markii Kenya ay halkaas dib uga bilowday derbi u dhaxeyn doona xuduuda labada dal. Dadka deegaanka Beled Xaawo ayaa aad uga carooday derbi dhisida Kenya iyaga oo ku eedeynaya in ay soo gashay qeyb kamid ah dhulka Soomaaliya.
Related Posts
June 13, 2019 Ethiopian Airline oo ka fakaraysa in ay bilowdo duulimaadyo u dhaxeeya Puntland iyo Addis Ababa
December 26, 2016 Baadi goob balaaran oo ka socda Badda Madow kadib burburkii diyaarada Ruushka
March 7, 2024 Xaalada amni ee Puntland oo sii xumaanaysa tan iyo markii dib loo doortay madaxweyne Deni
September 21, 2017 Golaha wasiiradda Soomaaliya oo ayiday go’aankii ay Soomaaliya ka qaadatay khilaafka wadamada Khaliijka
Be the first to comment