![Madaxweynaha dalka Turkiga Recep Tayyip Erdogan. [Xuquuqda Sawirka: Anadolu News Agency]](https://puntlandmirror.net/wp-content/uploads/2017/01/thumbs_b_c_e624c08c659e67941cbeba439cd87089.jpg)
Erdogan ayaa bayaan ku sheegay kadib markii weerar argagixiso uu ka dhacay xalay oo Axad ahayd baar lagu caweeyo oo kuyaala magaalada Istanbul, kaasoo lagu dilay ugu yaraan 39 qof oo uu kamidyahay askari booliis ah, waxaa kale oo ku dhaawacmay 69 qof oo kale.
Madaxweyne Erdogan ayaa sheegay weerarka axmaqnimada ah ee ka dhacay Istanbul in uu si cad u muujinayo in argagixisadu aysan kala duwanayn balse ujeedadeedu tahay waxyeelayn iyo dilid.
Ugu dambayna, Madaxweyne Erdogan ayaa tacsi u diray muwaadiniintii iyo ajaaniibtii lagu dilay weerarka wuxuuna u rajeeyay in ay si dhaqso ah ku bogsoodaan kuwii ku dhaawacmay weerarka.
Ma jirto koox sheegatay masuuliyada weerarkaas, balse tifaftiraha wararka caalamka ee warsidaha Puntland Mirror Cabdiraxmaan Cabdullaahi Shiikh ahna falaanqeeye ku xeel-dheer diblomaasiyada dunida ayaa sheegaya in looga shaki qabo weerarkaas in ay geysatay kooxda ISIS kuwaasoo weeraro hore ka geystay gudaha dalka Turkiga.
Related Posts
October 24, 2017 Madaxweynaha Puntland oo sheegay in uu ka qeybgali doona shirka Muqdisho
March 21, 2017 Ugu yaraan shan qof oo ku dhimatay qarax gaari o o ka dhacay Muqdisho
June 5, 2017 Ciidamada dowladda Soomaaliya oo isku diyaarinaya guluf si looga xoreeyo gobolka Shabeellaha Hoose Al-Shabaab
July 17, 2017 Khadka internetka koonfurta Soomaaliya oo dib u soo noqday kadib saddex asbuuc oo internet la’aan ahayd
