Garoowe-(Puntland Mirror) Doorashada golaha deegaanka ee saddex degmo ayaa maanta oo Talaado ka qabsoontay degmooyinka gobolka Nugaal kadib markii ay dib uga dhaceen sanadkii hore sababo khilaaf siyaasadeed.
Ku dhawaad 60 kun qof oo is-diiwaangeliyay oo kunool degmooyinka Garoowe, Dangorayo iyo Godobjiiraan ayaa codkooda dhiibtay, sida ay sheegeen Guddiga Doorashooyinka Puntland ee PEC.
Sideed xisbi siyaasadeed ayaa ku tartamaya kuraasta goleyaasha deegaanka ee saddexdan degmo.
Saddexda degmo ayaan laga qaban doorashada goleyaasha deegaanka Puntland ee sanadkii 2023, sababo la xiriira khilaaf u dhaxeeyay xukuumada Siciid Cabdullahi Deni iyo siyaasiyiin mucaarad ah xilligaas.
Puntland Mirror oo kormeer ku sameeyay qaar kamid ah seejooyinka codbixinta Garoowe ayaa ogaatay in ay aad u yaraayeen dadka codaynta u soo baxay marka loo eego tirada isdiiwaangelisay, inkastoo PEC aysan si rasmi ah u soo saarin tirada dadka maanta saddexdaas degmo ka codeeyay.
Waxaa la filayaa in tirinta codadka ay isla caawa bilaabmato, sida ilo-wareedyo katirsan PEC ay u sheegeen Puntland Mirror.
Related Posts
May 24, 2023 TPEC oo dib u dhigtay doorashada saddex degmo oo gobolka Nugaal katirsan sababo amni darteed
October 28, 2024 PARTLY FALSE: These images don’t show the aftermath of an explosion in Mogadishu in October 2024
November 17, 2016 Madaxweynaha dalka Filibiin Rodrigo Duterte oo sheegay in qaxootiyaasha uu kusoo dhaweynayo dalkiisa
May 13, 2018 Madaxweynayaasha maamul goboleedyada oo gaaray magaalada Baydhabo
