Labada masuul ayaa ka wadahadlay sidii loo yarayn lahaa wixii khilaaf ah ee jira, loona sii xoojin lahaa xiriirka ka dhaxeeya labada dal, sida lagu sheegay war-saxaafadeed kasoo baxay wasaaradda arrimaha dibada Soomaaliya.
Kulanka ayaa daba socday Madaxweynayaasha Soomaaliya iyo Kenya oo wadahadal asbuucii hore ku yeeshay khadka taleefoonka.
Axadii, Wasiirka Arrimaha Gudaha Kenya Fred Matiang’I oo safar ku yimid Muqdisho ayaa kulan la yeeshay madaxweynaha Soomaaliya Maxamed Cabdullaahi Farmaajo, waxaana uu u gudbiyay martiqaad uu madaxweynaha Kenya Uhuru Kenyata ka siday oo ah in Farmaajo uu Nairobi booqasho ku tago.
Soomaaliya iyo Kenya ayaa khilaafkoodu meel sare gaaray kadib sanadkii 2019 markii Kenya ay ku eedaysay Soomaaliya in ay beec geynta goobaha shidaalka ku dartay xeebta labada dal ku muransanyihiin, balse Soomaaliya waa diiday eedaas.
Labada dal ee dariska ah waxay sheeganayaan lahaanshaha 150,000 kiilomitir oo labo jibaar ah oo kuyaala xeebta Badweynta Hindiya, halkaas oo la sheegay in ay qani ku tahay saliid, gaas iyo kaluunka tuna.
Maxkamada Caalamiga ah ee ICJ ayaa bisha June ee sanadkan 2020 bilaabi doonta dhagaysiga kiiska muranka badda, oo la filayo in uu noqdo kii ugu dambeeyay.
Related Posts
June 19, 2019 Wasaaradda arrimaha gudaha dowladda federaalka Soomaaliya oo ugu baaqday madaxda Galmudug in doorashooyinka lagu qabto wakhtigooda
November 16, 2016 Kenya oo dib u dhigtay lix bilood xiritaanka xerada qaxootiga Dhadhaab
June 23, 2019 Madaxweynihii maamul goboleedka Amxaarada ee dalka Itooboya oo lagu dilay inqilab fashilmay
September 17, 2018 Puntland oo laga yaabo in ay lumiso mashruuc labaad oo muhiim ah
Be the first to comment