Muqdisho-(Puntland Mirror) Safiirka cusub ee Maraykanka u qaabilsan Soomaaliya, Stephen M. Schwartz, ayaa maanta oo Talaado ah waraaqihiisa aqoonsiga safiirnimo u gudbiyay wasiirka arrimaha dibada dowlada federaalka Soomaaliya, Cabdisalaam Cumar Hadliye.
Safiir Schwartz oo hadlay kadib markii waraaqaha aqoonsiga uu wasiirka ka guddoomay ayaa sheegay in soo magacaabidiisa safiirnimada Soomaaliya ay tahay calaamad muujinaysa xiriirka u dhaxeeya labada dal, wuxuuna intaas ku daray inuu ku faraxsanyahay in loosoo magacaabo safiir si uu uga caawiyo dadka Soomaaliyeed dhismaha nabadgalyada dalka iyo dimuqraadiyada.
Madaxweyne Barrack Obama ayaa dhawaan Stephen M. Schwartz, u soo magacaabay safiirka dalka Maraykanka u qaabilsan Soomaaliya 25-sanno kadib.
Maraykanka ayaa dowlada federaalka Soomaaliya si rasmiya u aqoonsaday sanadkii 2012-kii, kadib 20-sanno in ka badan oo ay dagaalo sokeeye dalka ka dhacayeen.
Related Posts
July 31, 2016 At least seven killed in suicide attack on Somali CID headquarters in Mogadishu
July 11, 2023 Former Officials Issue Recommendations to Resolve Political Conflict in Puntland
April 17, 2017 Turkey does not make useful work in Puntland, President says
September 8, 2016 Wasiirka arrimaha dibada DFS Cabdisalaam Cumar Hadliye oo waraaqaha aqoonsiga ka guddoomay safiirka cusub ee Jabuuti
Be the first to comment