Ankara-(Puntland Mirror) Ugu yaraan lix qof ayaa lagu dilay ku dhawaad 219 qof oo kalena waa ay ku dhaawacmeen kadib markii labo qarax oo waa-weyn oo loo adeegsaday gaari lala beegsaday saldhigyo booliis oo kuyaala magaalooyiin kala duwan oo Turkiga ah.
Weerarka kowaad ayaa lala beegsaday saldhig booliis oo ku yaala magaalada bariga kutaala ee Van, waxaana ku dhimatay hal sarkaal oo booliis ah iyo labo qof oo shacab ah, ku dhawaad 70 kalena waa ay ku dhaawacmeen.
Saacado kadib, qarax kale ayaa lala beegsaday saldhig booliis oo kuyaala magaalada Elazig, waxaana ku dhimatay ugu yaraan saddex sarkaal oo booliis ah waxaa kale oo ku dhaawacmay 146 qof.
Saraakiisha dowlada Turkiga ayaa ku eedeeyay weeraradaas maleeshiyada Kurdiyiinta ee PKK.
PKK ayaa horey u qaaday weeraro qarax oo is-xigxiga oo ay la beegsaday haayadaha Turkiga.
Related Posts
October 1, 2018 Al-Sbabab car bomb targets EU convoy in Mogadishu
August 5, 2018 Duqa kumeelgaarka ah ee magaalada Garoowe oo aan u tartameyn doorashada soo socota ee dowladda hoose
December 12, 2017 Khabiir miino saarista ah oo katirsanaa ciidamada Puntland oo ku dhintay qarax miino oo ka dhacay Buuraha Galgala
December 5, 2016 Ciidamada Libya oo sheegay in ay magaalada Sirte kala wareegeen maleeshiyada ISIS
Be the first to comment