Ugu yaraan lix qof ayaa lagu dilay markii niman qoryo wata ay rasaas huwiyeen labo gaari oo bas ah maanta oo Jimco ah deegaanka Mandheera ee xadka Kiinya iyo Soomaaliya, sida uu sheegay guddoomiyaha Mandheera.
Guddoomiyaha Mandheera Fredrick Shisia ayaa wakaalada wararka Reuters u sheegay in weerarka uu dhacay subaxnimadii hore iyadoo gawaarida baska ah ay u socdeen magaalada Mandheera kana yimaadeen caasimada, Nayroobi.
“Ilaa iyo hadda waxaanu maqalnay dhimashada lix qof,” ayuu yiri isagoo sheegay in weerarka uu ka dhacay wadada u dhaxaysa Wargaduud iyo Ceelwaaq.
Maraykanka ayaa Khamiistii uga digay muwaadiniintiisa in ay u safraan deegaanada u dhow xadka Kiinya ay la wadaagto Soomaaliya sababtoo ah khatar laga qabo maleeshiyada al-Shabab.
Maleeshiyada al-Shabaab ayaa sheegatay masuuliyada weerarkaas, sida uu Reuters u sheegay afhayeenka howlgalada militariga al-Shabaab u qaabilsan, Cabdicasiis Abu Muscab. Deegaanka Mandheera ayaa horey waxaa weeraro uga geystay maleeshiyada al-Shabaab kuwaasoo ay ku dileen dad badan oo saraakiisha amaanka iyo shacab isugu jira.
Related Posts
December 1, 2019 Munaasibada maalinta caalamiga ah Aids-ka oo lagu qabtay Garoowe, iyo sargaal la nool xanuunka oo la dalacsiiyay
June 14, 2016 QM oo Kiinya u sheegtay in loo baahanyahay wakhti badan si qaxootiga Soomaalida loogu cesho dalkooda
May 4, 2017 Somalia’s cabinet sacks auditor general
July 16, 2016 Madaxweyne Erdogan oo ku tilmaamay isku dayga afgembiga ‘fal khaa’inul waddanimo’
Be the first to comment