Laascaanood -(Puntland Mirror) Ugu yaraan labo qof ayaa ku dhimatay shan kalena waa ay ku dhaawacmeen dagaal beeleed ka dhacay magaalada Laascaanood ee gobolka Sool maanta oo Talaado ah, sida ay sheegeen dadka deegaanka.
Dagaalka ayaa ka bilaabmay gudaha magaalada subaxnimadii hore ee saakay, sida ay ku warameen dadka deegaanka.
“Dagaalka wuxuu qarxay subaxnimadii hore ee saakay wuxuuna sababay in la xiro dhamaan meheradihii ganacsiga,” qof dadka deegaanka ah ayaa sidaa u sheegay warsidaha Puntland Mirror.
Dagaalkan ayaa daba socda dagaal beeleedyo culus oo asbuucyadii lasoo dhaafay ka dhacay gobolka Sool, kaasoo ay ku dhinteen ugu yaraan 20 qof.
Laascaanood waa magaalo ay ku muransanyihiin dowladaha Somaliland iyo Puntland. Ciidamada Somaliland ayaa magaalada ka qabsaday Puntland bishii Oktoobar sanadkii 2007.
Related Posts
December 19, 2018 Laftagareen oo loo doortay madaxweynaha maamul goboleedka Koonfur Galbeed
September 1, 2017 Ugu yaraan labo qof oo ku dhaawacmay weerar ay maleeshiyo aan haybtooda la aqoon ku qaadeen tuulada Bali Busle
June 15, 2022 Kalfadhiga 50-aad ee baarlamaanka Puntland oo ka furmay Garoowe
March 11, 2017 Odayaasha dhaqanka gobolka Nugaal oo ciidamada gadoodsan ee Puntland u jeediyay in ay ka baxaan kantaroolka koonfureed ee magaalada Garoowe
Be the first to comment