Ugu yaraan 16 qof oo ku geeriyooday qaraxyo kala duwan oo ka dhacay gudaha caasimada Afghanistan ee Kabul

Gaari qarax laga soo buuxshay ayaa maanta ku qarxay xarun booliis oo kutaala qaybta galbeed ee Kabul, sida uu sheegay wasiirka arrimaha gudaha.

Wax yar kadib, qarax gaari oo kale ayaa lagu dhuftay albaabka xarunta nabadsugida qaybta kutaala bariga Kabul, sida uu sheegay wasiirka arrimaha guduhu.

“Nasiib daro 16 qof ayaa lagu dilay labadaas weerar ee ka dhacay Kabul,” sidaa waxaa warbaahinta u sheegay Waheed Majroh, oo ah afhayeen u hadlay wasaaradda caafimaadka, isaga oo intaas ku daray in 44 qof oo kale ay ku dhaawacmeen.

Ururka hubaysan ee Taalibaan ee ka dagaalama gudaha dalka Afghanistan ayaa sheegtay masuuliyada weerarkaas.