Garoowe-(Puntland Mirror) Ugu yaraan 15 qof ayaa ku geeriyootay 20 kalena waa ay ku dhaawacmeen kadib markii maleeshiyo beeleedyo ay ku dagaalameen deegaanada miyiga ee kuyaala xadka gobolada Nugaal iyo Sool, sida uu sheegay qof dadka deegaanka ah.
Dagaalka oo u dhaxeeya maleeshiyaad kasoo kala jeeda beel-hoosaadka Cumar Maxamuud iyo beesha Dhul-bahante ayaa ka bilaabmay deegaanada Cagaare iyo Qorilay asbuucii lasoo dhaafay, sida Jaamac Xasan Xirsi oo katirsan dadka deegaanka uu khadka taleefoonka ugu sheegay warsidaha Puntland Mirror.
“Isku dhacyadu waxay bilowdeen asbuucii lasoo dhaafay, ilaa iyo hadda waxaa ku dhintay 15 qof oo labada dhinac kawada tirsan, in ka badan 20 kalena waa ay ku dhaawacmeen,” ayuu yiri.
Odayaasha dhaqanka ee ku sugan gobolka ayaa isku dayaya in ay joojiyaan dagaalka dhiigu ku daatay, sida oday dhaqameed jooga Garoowe uu u sheegay Puntland Mirror.
“Waxaanu deegaanadaas u diri doonaaa, odayaal, culimo u diin iyo aqoonyahano si ay qeyb uga qaataan nabad kusoo dabaalidda,” ayuu yiri odaygu.
Tobonaan qof ayaa ku geeriyooday isku dhacyo hore oo dhexmaray labada dhinac, oo ay sababeen aanooyin qabiil iyo muran muddo dheer oo daaqsinka ah.
Related Posts
February 23, 2021 Wasiirka Arrimaha Dibada Soomaaliya oo laga helay xanuunka COVID-19
January 31, 2017 Ugu yaraan labo qof oo ku dhimatay weerar is-qarxin ah oo maleeshiyada Xuutiyiinta ay la beegsadeen markab dagaal oo Sucuudigu lahaa
August 30, 2017 At least one militant killed after suspected Al-Shabab attacked Puntland military barricade in Mudug region
September 7, 2016 Maraykanka oo sheegay in ay afar maleeshiyo Al-Shabaab ah ku dileen duqayn cirka ah oo ka dhacday gudaha Soomaaliya
Be the first to comment