Khartoum-(Puntland Mirror) Dalka Sudan ayaa balanqaaday inuu deeq waxbarasho oo badan siinayo dalka Soomaaliya kadib markii wefdi sare oo labada dowladood ka socda ay ku kulmeen caasimada Sudan, Khartoum.
Guddoomiyaha guddiga baarlamaanka dowlada federaalka Soomaaliya u qaabilsan arrimaha dibada Cabdulqaadir Cosoble oo ay waheliyaan wefdi kale oo dowlada federaalka ah ayaa kulan la qaatay shalay oo Arbaco ahayd wasiirka waxbarashada Sudan Dr. Ajitani Mustafa Mohamed Sala.
Wasiirka waxbarashada Sudan ayaa sheegay in dalkiisa oo horey kumanaan Soomaali ah deeq waxbarasho u siiyay haddana ay sii kordhin doonaan deeqaha waxbarasho.
Kumanaan arday Soomaali ah ayaa wax ka barta dalka Sudan, sidoo kale boqolaal kale oo dalkaas wax kasoo bartay ayaa dib ugu soo noqday dalka si ay cilmigooda ugu adeegaan dalkooda.
Sudan ayaa Soomaaliya siinaysay deeqo waxbarasho tan iyo burburkii, taasoo ka dhigaysa dalka ugu badan oo deeq waxbarasho siiya dadka Soomaaliyeed.
Related Posts
May 1, 2018 Wasiirkii hore ee gaashaandhiga oo loo doortay guddoomiyaha baarlamaanka Soomaaliya
February 4, 2019 Madaxweynaha Puntland oo ka tacsiyeeyay dilkii loo geystay maamulihii DP World ee dekada Boosaaso
January 13, 2020 Madaxweynaha Soomaaliya oo dalka Cumaan ugu safray ka qeybgalka tacsida Suldaan Qaaboos
August 27, 2018 Maxaa keenay dib u dhaca ku yimid doorashada duqa degmada Garoowe?
Be the first to comment