Abu Dhabi-(Puntland Mirror) Sucuudi Caraabiya iyo xulufadiisa oo kala ah Isutaga Imaaraatka Carabta, Masar iyo Baxrayn ayaa liiskooda argagixisada ku daray Maxamed Siciid Atam iyo tobaneeyo kale oo uu ku jiro kuwaasoo lagu eedeeyay in ay Qatar maalgeliso, sida lagu sheegay bayaan.
Bayaanka ayaa lagu sheegay in 11 qof oo uu Atom ku jiro oo u kala dhashay dhowr wadan oo Carbeed ay si toos ah Qatar dhinacyo badan uga taageerto, oo ay kamidyihiin baasabooro iyo haayado khayraadi ah.
Xulufada ayaa ku eedeeyay Doha in ay ku fashilmeen inay qaadaan tallaabooyin lagula dagaallamayo howlaha argagixisada.
Bishii June ee sanadkan, xulufada uu Sucuudiga hoggaaminayo ayaa xiriirka u jaray Qatar, iyaga oo ku eedeeyay in ay taageerto ururada argagixisada ah.
Maxamed Siciid Atom ayaa ahaan jiray asaasihii iyo hoggaamiyihii maleeshiyada Al-Shabaab ee ka dagaalanta buuraha Galgala ee Puntland. Sanadkii 2014 ayuu iclaamiyay in uu ka baxay Al-Shabaab, isaga oo magangalyo ka helay dalka Qatar, halkaas oo la rumeysanyahay in uu hadda ku noolyahay.
Related Posts
July 24, 2017 Al-Shabaab oo ugu yeeray Madaxweynaha Mareykanka ‘maalqabeen maskax laawe ah’
June 18, 2016 Puntland military court sentences 43 al-Shabab fighters to death
January 25, 2017 Ugu yaraan 13 qof oo ku geeriyooday weerar ay Al-Shabaab ku qaaday huteel kuyaala Muqdisho
December 4, 2016 Reer Cuba oo sagootiyey meydka hoggaamiyahoodii shuuciga ahaa Fidel Castro
Be the first to comment