Seoul-(Puntland Mirror) Shirkada Samsung ayaa joojisay iibka taleefoonkeeda gacanta ee Galaxy Note 7 kadib markii laga helay qayb taleefoonada kamid ah in ay qarxaan marka la dabaynayo.
Madaxweynaha shirkada taleefoonada gacanta ee Samsung, Koh Dong-jin, ayaa maanta oo Jimce ah sheegay in macaamiisha horey u iibsaday Galaxy Note 7 loogu badali doono kuwa cusub, iyadoo aan la tixgelinayn wakhtiga la iibiyay.
Joojinta ayaa timid labo asbuuc kadib markii ay shirkada soo bandhigtay taleefoonkeeda casriga ah ee Galaxy Note 7.
Qaybo kamid ah dadkii iibsaday ayaa ku waramay in uu dab qabsaday taleefoonkooda ama uu qarxay marka la dabaynayo, waxayna Samsung sheegtay in ay xaqiijisay 35 dhacdo oo arrintaas ah taasoo ay keentay dhibaato dhanka batariga ah.
Samsung ayaa sheegtay in ay iibisay in ka badan hal milyan oo Galaxy Note 7 ah tan iyo markii ay soo bandhigtay taleefoonkaas cusub.
Samsung ayaa ah shirkad samaysa taleefoonada gacanta waxaana laga leeyahay dalka Koonfur Kuuriya.
Related Posts
January 25, 2018 Wakiilka Qaramada Midoobay u qaabilsan Soomaaliya oo ka digay in xiisada u dhaxeysa Puntland iyo Somaliland ay keeni karto rabshad
August 14, 2016 Ciidamo Maraykan ah oo 30 maleeshiyaad Al-Shabaab ah ku dilay koonfurta Soomaaliya
September 14, 2017 Maleeshiyada Al-Shabaab oo sheegtay in sargaal katirsan dowladda Soomaaliya uu isku dhiibay
June 5, 2017 Hal askari oo ku dhintay weerar lagu qaaday saldhig booliis oo kuyaala gudaha Kismaayo
Be the first to comment