Saddex askari oo Turki ah oo lagu dilay waqooyiga dalka Suuriya

MilatarigaTurkiga ayaa sheegay in askarta ay duqaymo la beegsadeen dowladda Suuriya subaxnimadii hore ee maanta oo Khamiis ah, intii uu socday weerar u dhaxeeyay falaagada Suuriya ee Turkiga uu dabada ka riixayo iyo kooxda loogu yeero ISIS.

Si kastoo ay ahaataba, kooxda kormeerka Suuriya ayaa sheegtay in dhimashada ay sababtay weerar isbiimayn ah oo ay masuuliyadiisa sheegatay ISIS.

Dowladda Suuriya wali kama aysan jawaabin.

Lama sheegin deegaanka saxda ah ee uu ka dhacay dhacdada, balse wakaalada wararka dowladda Turkiga ee Anadolu ayaa warisay in uu ka dhacay meel u dhow al-Bab.

Askartii ku dhimatay iyo kuwii ku dhaawacmay, ayaa loo qaaday isbitaalo kuyaala gobolada koonfurta ee Kilis iyo Gaziantep.

Wakaalada lala xiriiriyo in ay afka ISIS ku hadasho ee Amaq ayaa sii daysay muuqaal muujinaya gaari hubaysan oo maraya jiida hore kadibna qarxaya.

Turkiga ayaa markii kowaad taangiyadiisu waxa ay ka gudbeen xadka Suuriya bishii lasoo dhaafy ee Agoosto, si ay ula dagaalamaan dagaalyahanada kooxda ISIS iyo xoogaga Kurdiyiinta ee ku sugan gudaha Suuriya, kuwaasoo sheegtay masuuliyada weeraradii ugu dambeeyay argagixiso oo dhiig badan ku daatay oo ka dhacay gudaha magaalooyinka Turkiga.