Garoowe-(Puntland Mirror) Raysulwasaaraha dowlada federaalka Soomaaliya Cumar Cabdirashiid Cali Sharmaake iyo wefdi balaaran oo uu hoggaaminayo ayaa maanta oo Talaado ah soo gaaray caasimada Puntland ee Garoowe.
Madaxweynaha dowlada Puntland Cabdiweli Maxamed Cali iyo masuuliiyiin sare oo dowlada kamid ah ayaa RW kusoo dhaweeyay garoonka kumeel gaarka ah ee Kanooko oo kuyaala duleedka waqooyi ee Garoowe.
Madaxweyne Cabdiweli oo saxaafada maxaliga ah kula hadlay xarunta madaxtooyada ayaa sheegay in socdaalka RW uu salka ku hayo indho-indhaynta hawlaha la xiriira doorashooyinka la filayo in ay dalka ka dhacaan.
Marka laga tago hadalka madaxweynaha Puntland, ilo-wareedyo dhanka dowlada ah ayaa warsidaha Puntland Mirror u sheegay in booqashada Sharmaake ee Puntland ay ku saabsantahay ololaha uu ugu jiro diyaargarowga musharaxnimadiisa madaxweynaha Soomaaliya.
Ilo-wareedka ayaa sheegay in Sharmaake oo Puntland kasoo jeeda uu booqan doono deegaano kuyaala Puntland si uu ula kulmo odayaasha dhaqanka iyo bulshada kala duwan ee deegaanadaas.
Related Posts
June 25, 2023 Madaxweyne Deni oo sifayna masuuliyiin xiriir la leh saaxiibadiis hore ee Nugaal
August 24, 2017 Qatar oo sheegtay in ay soo celin doonto safiirkeedii u fadhiyay Iran
June 29, 2017 Ciidamada dowladda Soomaaliya oo maleeshiyada Al-Shabaab kala wareegay deegaano kuyaala gobolka Gedo
July 29, 2018 Somali Prime Minister arrives in Puntland for first time
Be the first to comment