New York-(Puntland Mirror) Raysulwasaaraha Britain Theresa May ayaa balanqaaday in dalkeeda uu kordhinayo taageerada Soomaaliya ee la dagaalanka maleeshiyada Al-Shabaab.
Hadalkeedii ugu horeeyay ee ay ka jeediso shirka Qaramada Midoobay ee New York ayay ku sheegtay in Britain ay door hoggaamineed kasoo ciyaartay la dagaalanka maleeshiyada Al-Shabaab.
Waxay sheegtay in UK ay ciidamo u diri doonto Soomaaliya si ay u tababaraan ciidamada maxaliga ah si ay ula dagaalamaan maleeshiyada.
Waxay ku dartay in uusan jirin dal aysan saamayn argagixisada caalamka.
“Tan iyo sanadkii 2010, waxaan taageero weyn siinaynay dhamaan gobolka, waxaana laga saaray Al-Shabaab dhamaan magaalooyinkii waa weynaa oo ay maamuli jireen,” Theresa May ayaa sidaa tiri.
“Waa lagama maarmaan in beesha caalamka ay sii wado taageerada dalalka gobolka kuwaasoo ku deeqay ciidamada, waxaan kale oo aan sii wadi doonaa dhisida awooda ciidamada amaanka ee Soomaaliya” ayay ku dartay.
UK ayaa dhisme cusub ka dhisan doonta magaalada Muqdisho, sidoo kale UK ayaa martigelin doonta shir caalami ah oo ku saabsan Soomaaliya bilowga sanadka 2017.
Related Posts
June 11, 2016 Xoghayaha Guud ee Qaramada Midoobay oo cambaareeyay weerarkii lagu qaaday ciidamada Itoobiya ee saldhiga Halgan
April 30, 2017 Islaan Ciise oo soo dhaweeyay mashaariicda horumarineed ee gudaha gobolada Puntland ka socda
September 8, 2021 Madaxweynaha Puntland Siciid Cabdullaahi Deni oo ka degay Gaalkacyo
March 28, 2017 World Vision concluded training for business associations and project management committees in Dangorayo district – in pictures
Be the first to comment