Abuja-(Puntland Mirror) Hoggaamiyaha kooxda Booko Xaaraam ayaa loo malaynayaa inuu si xun ugu dhaawacmay weerar cirka ah oo ay qaadeen militariga Nayjeeriya kaasoo ka dhacay waqooyiga bari ee dalkaaas, sida ay ku waramayaan warbaahinta oo soo xiganaysa ilo-wareedyo saraakiil sare.
Wararka ayaa sheegaya in tiro dagaalyahano Booko Xaaraam ah lala eegtay duqayn asbuucii lasoo dhaafay ka dhacday kayn kutaala gobolka Borno oo u dhow xadka dalka Kaamiruun.
“Hoggaamiyaha, loogu yeero, Abu Bakar Shiikhow, waxaa loo malaynayaa inuu si xun uga dhaawacmay garbaha,” sidaa ayaa lagu yiri bayaan kasoo baxay maanta oo Talaado ah afhayeenka ciidamada Nayjeeriya.
Afhayeenka ciidamada ayaa xaqiijiyay saddex sarkaal oo Booko Xaaraam katirsan in ay geeriyoodeen kuwaasoo kala ah, Abu Bakar Mubi, Malam Nuhu iyo Malam Hamman.
Ma jirto fal celin deg deg ah oo katimid kooxda Booko Xaaraam oo ay uga hadlayaan sheegashada dowlada.
Sida uu sheegay tifaftiraha wararka caalamka ee Puntland Mirror, Cabdiraxmaan Cabdulaahi Shiikh, weerarka ayaa dhacay Jimcadii lasoo dhaafay iyadoo diyaaradaha duqaynta geystay ay la beegsadeen koox dagaalyahano ah oo Booko Xaaraam katirsan kuwaasoo isugu yimid munaasabad.
Sheegashada ciidamada Nayjeeriya ayaa imaanaysa, iyadoo xoghayaha arrimaha dibada dalka Maraykanka, John Kerry, uu booqasho ku marayo dalka Nayjeeriya, Kerry ayaa la filayaa in wadahadalkiisa dalka Nayjeeriya diirada lagu saari doono dagaalka ka dhanka ah Booko Xaaraam, taasoo la asaasay sanadkii 2009-ka.
Related Posts
January 19, 2018 Ciidamada dowladda Soomaaliya oo weerar ku qaaday iskuul kuyaala gobolka Shabeellaha Dhexe oo 32 caruur ah kasoo badbaadshay Al-Shabaab
January 16, 2020 Jubaland President arrives in Bosaso
June 4, 2016 Kenya: Closure of Somalia miraa market threatens economy, Governor Munya
April 2, 2017 At least four wounded in truck accident in Karkar region
Be the first to comment