Taliska Mareykanka ee Afrika (AFRICOM) ayaa xaqiijiyay dhimashada waxaana uu intaas ku daray in labo kale oo u dhashay Mareykanka oo la shaqeynayay Waaxda Difaaca ay ku dhaawacmeen weerarka.
Maleeshiyada Al-Shabaab ee fadhigeedu yahay Soomaaliya ayaa sheegatay masuuliyada weerarkaas ka dhanka ahaa saldhiga ciidamada lagu magacaabo Manda Bay oo kuyaala gobolka Lamu ee dalka Kenya kaasoo ay isticmaali jireen ciidamada Mareykanka iyo kuwa Kenya.
Warar hoose oo ka yimid ciidamada Kenya oo ay heshay wakaalada wararka AP ayaa sheegaya in labo diyaaradood oo ay kala la haayeen Mareykanka iyo Kenya iyo labo diyaaradaha qumaatiga u kaca oo Mareykanku lahaa iyo sidoo kale baabuur badan oo Mareykanku lahaa lagu burburshay weerarka.
Milatariga Kenya ayaa sheegay in shan maleeshiyo oo Al-Shabaab ah lagu dilay weerarka. Ma jiraan warar sheegaya in cid Kenyaati ah uu khasaare soo gaaray.
AFRICOM waxay sheegeen in ku dhawaad 150 qof oo shaqaale u dhashay Mareykanka ay ku sugnaayeen saldhiga, halkaasoo ay tababar iyo gacansiinta la dagaalanka argagixisada ay ku siinayeen ciidamo ka socda Geeska Afrika.
Related Posts
May 23, 2020 Madaxweynaha Puntland oo isbadal ku sameeyay golihiisa wasiiradda
July 25, 2020 Madaxweyne Deni oo magacaabay xubnaha Puntland ku matali doona guddiga farsamo ee talo ka bixinta doorashooyinka Soomaaliya
October 12, 2017 Wasiirkii Gaashaandhiga Soomaaliya oo iscasilay
October 14, 2018 Midowga Yurub iyo Soomaaliya oo saxiixday heshiis €100 million oo taageero miisaaniyadeed ah
Be the first to comment