Taliska Mareykanka ee Afrika (AFRICOM) ayaa war-saxaafadeed ku sheegay in duqeynta oo dhacday Sabtidii lagu dilay xubin sare oo katirsan Al-Shabaab kaasoo masuul ka ahaa qorsheynta iyo hagida howlgalada maleeshiyada ee gobolka xadka ee Kenya, uuna kamid yahay weerarkii dhawaan lagu qaaday saldhiga Manda Bay.
Xaaskiisii ayaa sidoo kale lagu dilay duqeynta, sida lagu sheegay war-saxaafadeedka AFRICOM.
Weerarkii saldhiga Manda Bay ayaa dhacay 5-tii Janaayo, waxaana lagu dilay saddex qof uu dhashay Mareykanka, oo mid uu ahaa askari halka labada kale ay ahaayeen qandaraaslayaal.
Weerarkaas kadib, milatariga Mareykanka ayaa ciidamo dheeri ah geeyay Kenya, oo xuduud la leh Soomaaliya.
AFRICOM ayaa 63 duqeymood ka fulisay Soomaaliya sanadkii lasoo dhaafay oo ay ku bartilmaameedsanayso maleeshiyada Al-Shabaab. Sanadkan waxay ilaa iyo hadda qaadeen 18 weerar oo dhanka cirka ah.
Related Posts
May 26, 2019 Germany reduced fund for Garowe general hospital, minister says
January 30, 2017 Somalia to hold first presidential debate
November 19, 2017 Xisbiga talada haya Zimbabwe ee Zanu-PF oo ceyrshay hoggaamiyahoodii Robert Mugabe
July 22, 2016 Puntland iyo Somaliland oo kala qaaday ciidamadoodii isku horfadhiyay gobolka Sanaag
Be the first to comment