![Maleeshiyada ISIS oo sagaal qof ku afduubtay duleedka magaalo xeebeedka Qandala. [Sawirka: Archive]](https://puntlandmirror.net/wp-content/uploads/2016/10/ISIS-in-Puntland.jpg)
Isaga oo la hadlayay warbaahinta joogta Puntland, Jaamac Maxamed Khuurshe, guddoomiyaha Qandala, waxaa uu sheegay in maleeshiyadu ay jidka u galeen gaari ay saarnaayeen dad dhowr iyo toban ah oo ku socday Boosaaso ayna afduubteen ilaa iyo sagaal qof kadib markii ay ka soocdeen dadkii rakaabka ahaa.
Afar kamid ah dadka la afduubtay ayaa ahaa askar Puntland katirsan kuwaasoo shaqada fasax ka ahaa, sida uu xaqiijiyay guddoomiyuhu.
Afduubka ayaa dhacay galabnimadii Jimcada oo shalay ahayd, sida uu sheegay guddoomiyuhu.
Sargaal katirsan ciidamada ammaanka Puntland, kaasoo codsaday in aan magaciisa la sheegin ayaa warsidaha Puntland Mirror u sheegay in labo kamid ah ciidamada Puntland oo ay afduubteen maleeshiyada ISIS ay ka baxsadeen.
Dowladda ayaa ciidamo badan u dirtay deegaanka halkaas oo uu afduubku ka dhacay si ay u si daayaan dadka la afduubtay, sida uu sheegay Khuurshe.
7-dii bishii December ee sanadkii lasoo dhaafay, Ciidamada dowladda Puntland ayaa dib u la wareegay magaalo xeebeedka Qandala ee gobolka Bari, taasoo gacanta ISIS ku dhacday bishii Oktoobar sanadkii 2016-kii.
Related Posts
February 28, 2018 US sanctions top ISIS leader in Somalia’s Puntland
June 21, 2017 Maxkamada Ciidamada Soomaaliya oo dil toogasho ah ku xukuntay eedaysane loo haystay in uu magaalada Baydhabo ku dilay Shiikh caan ahaa
June 7, 2016 Madaxweyne Xasan iyo Uhuru oo wadahadal ku yeeshay Nayroobi
February 4, 2017 Turkiga oo uga digay Greece dhoolatuska milatari ee gudaha badda Aegean
Be the first to comment