Kulan uu la yeeshay bulshada rayidka ee magaalada Boosaaso maanta oo Khamiis ah, ayaa Cabdiweli Maxamed Cali yiri: “Waxaa la yiraahdaa ciidanka ilaalada Badda, lakiin bad iyo berriba waa ilaaliyaan, 2000 oo ciidana oo tababaran oo akhlaaq leh oo maamuus leh oo si fiican loo dhaqaaleeyo, oo hada intay yihiin wax loogu sii dari lahaa aan aaminsanahay inaan uga maarmi lahayn dalka dhan difaaciisa, shaqooyinkooda maaha cadowga inay ka difaacaan, waxay ilaaliyaan badda kaluunka sharci darada ah, waxay ilaaliyaan tahriibka, waxay ilaaliyaan burcad baddeedka inay dib ugu soo laabato dalka, waxay ka ilaaliyaan Shabaab iyo Daacish.”
“Qandala oo Daacish qabsatey ciidanka keliya ee maanta joogaa waa PMPF, Galgala kuwa jooga waa iyaga, ciidanka inaataas ku filnaadey waad garan kartaan baahida loo qabo inay mid wayn tahay, meesha ay baneeyaana ay dhib wayn nagu soo kordhin lahayd, cid noo bedalaysa oo maanta jirtaa oo aan garanaayo majirto, cidii marka nagu taageertay tababarka iyo dhaqaaleha waan uga mahadnaqaynaa,” ayuu ku sii daray.
Shir saxaafadeed uu ku qabtay Boosaaso Isniintii, Madaxweynaha Puntland ayaa sheegay in Isutaga Imaaraatka Carabta ay sii wadi doonaan tababarka iyo mushahaar siinta ciidamada PMPF.
Madaxweyne Cabdiweli ayaa beeniyay in Imaaraatka Carabta ay joojiyeen taagerada PMPF. Waxaana uu Imaaraatka Carabta uga mahadceshay taageeradooda ciidanka.
Imaaraatka Carabta ayaa bilaabay taageerada ciidamada PMPF sanadkii 2011 xilligii maamulkii Madaxweyne Cabdiraxmaan Faroole.
Related Posts
March 21, 2020 15 maleeshiyo Al-Shabaab ah oo lagu dilay duqeymo Mareykanku ka fuliyay Soomaaliya asbuucii tagay
August 2, 2017 President Farmajo appoints Tarsan as political advisor
August 23, 2019 Taliyihii ciidamada Somaliland ee aaga Badhan iyo ciidamadiisii oo isku soo dhiibay Puntland
September 24, 2019 Puntland President appoints new chief of intelligence and security service
Be the first to comment