Muqdisho-(Puntland Mirror) Madaxweynaha dowlada federaalka Soomaaliya Xasan Shiikh Maxamuud ayaa cambaareeyay isku daygii afgembi ee Turkiga shalay oo Jimce ahayd, kadib markii qayb kamid ah ciidamada ay si rasmiya u baahiyeen in ay afgembi sameeyeen, iyagoo sheegay in dalka uu gacantooda ku jiro.
“Maahan mid la aqbali karo in dadka Turkiga ay ka leexdaan wadada dimuqraadiyada uu ku jiray sanadihii u dambeeyay. Kani wuxuu ahaa nasiib daro waxaana aad ugu faraxsanahay in la garaacay kooxdii shayaadiinta ahaa ee isku dayay in Turkiga ay galiyaan qalalaase,” sidaa ayuu Madaxweynaha ku yiri bayaan.
Madaxweynaha ayaa sheegay in Soomaaliya ay si buuxda u taageersantahay dowlada Rajib Dayib Erdogan, isagoo codsaday in la xushmeeyo dastuurka iyo haayadaha dimuqraadiga ah si loo sii wado guusha.
Soomaaliya ayaa xiriir wanaagsan la lehTurkiga. Tan iyo 2011-kii, Soomaaliya waxay kamid ahayd saddexda wadan oo hela caawimaada horumarinta Turkiga.
Ugu yaraan 60 qof ayaa ku dhimatay isku dayga afgembi ee ka dhacay Turkiga.
Related Posts
September 9, 2018 Madaxweyne Farmaajo oo shir ugu yeeray madaxda Dowlad Goboleedyada iyadoo uu jiro khilaaf
March 30, 2018 Is mariwaaga ciidan ee u dhaxeeya Puntland iyo Somaliland ee Tukaraq oo galay bishii afraad
October 11, 2016 Ciidamada Itoobiya oo ka baxay magaalooyin kuyaala Soomaaliya
August 11, 2017 Erdogan oo walaac ka muujiyay xiisada u dhaxaysa Mareyanka iyo Waqooyiga Kuuriya
Be the first to comment