Madaxweynaha dowladda Puntland oo Turkiga ka codsaday in ay gacan ka geystaan gurmadka abaarta ku dhufatay Puntland

Kulanka ayaa ka dhacay xarunta safaarada Turkiga ee kutaala caasimada Soomaaliya ee Muqdisho.

Madaxweynaha iyo safiirka ayaa kawadahadlay arrimo la xiriira sidii Turkigu uu gacan uga geysan lahaa abaaraha daran ee ka jira gobolada Puntland.

Madaxweyne Cabdiweli ayaa uga waramay safiirka xaalada abaareed ee ka jirta Puntland, waxaana uu ka codsaday in Turkiga uu gacan ka geysto sidii loogu gurman lahaa dadka ay abaarta daran saamaysay.

Dhankiisa, Ogan Bekar  ayaa sheegay in ay gacan ka geysan doonaan gurmadka lagu caawinayo abaarta waxyeelaysay Puntland.