![Madaxweynaha dowladda federaalka Soomaaliya oo qaabilay safiirka Jarmalka u qaabilsan Soomaaliya iyo Kenya . [Xigashada Sawirka: Radio Muqdisho]](https://puntlandmirror.net/wp-content/uploads/2017/03/vlcsnap-error980.png)
Sida lagu sheegay bayaan ka soo baxay xafiiska warfaafinta madaxtooyada, kulanka ka dhacay madaxtooyada Villa Soomaaliya, oo dhexmaray Madaxweynaha iyo safiirka ayaa diirada lagu saaray sidii dib loogu soo celin lahaa xiriirka taariikhiga ah ee ka dhaxeeya labada dal.
Madaxweyne Farmaajo ayaa sheegay in dowladdiisu ay diyaar u tahay sidii loo soo celin lahaa lana iskaashiga ballaaran ee u dhaxeeyay Soomaaliya iyo Jarmalka.
Dhankeeda, Jutta Frasch, ayaa sheegtay in ay dib u soo nooleyn doonto dowladda Jarmalka mashaariicdii ay horey uga fulin jirtay Soomaaliya, sida dib u dhiska adeegga waxbarashada, gaar ahaan dugsiyadii farsamada gacanta, tababarrada xirfadaha dhallinyarada iyo ka qeyb-qaadashada kor u qaadidda tayada ciidammada ammaanka Soomaaliya.
Kulanka ayaa waxaa ka qaybgalay wasiirka Arrimaha Dibedda Soomaaliya, Mudane Cabdi-salaam Hadliye Cumar iyo agaasimaha guud ee madaxtooyada Soomaaliya Cali Fiqi.
Related Posts
November 10, 2016 Gaashaanle sare Qodhob: u dulqaadan mayno maleeshiyada Galmudug in ay barakiciyaan ayna argagax ku sameeyaan dadkayaga
March 13, 2017 Qarax ka dhacay caasimada dalka Afghanistan ee Kabul oo dilay ugu yaraan hal qof
February 28, 2020 Ugu yaraan 11 qof oo ku dhimatay dagaal u dhaxeeya ciidamada Dowladda Federaalka Soomaaliya iyo Ahlu Suna Waljamaaca
August 25, 2018 Afar katirsan maleeshiyada Al-Shabaab oo lagu dilay gobolka Baay
Be the first to comment