Muqdisho-(Puntland Mirror) Niman baastoolado ku hubaysan oo aan la aqoon ayaa toogasho ku dilay magaalada Muqdisho caawa oo Axad ah fiidkii sarkaal ciidamada militariga Soomaaliya katirsan oo la dhaho Kornayl Cabdulaahi Sabriye, sida ay sheegeen goobjoogayaasha.
Nimankii hubaysnaa ee dilka geystay ayaa ka cararay goobta uu dilka ka dhacay, sida ay goobjoogayaasha sheegeen.
Maalinimadii Axada, sarkaal sare oo katirsan ciidamada militariga dowlada Soomaaliya oo la oran jiray Maxamed Rooble Jimcaale loona yaqiin Goobaale iyo lix kamid ahaa ilaaladiisa ayaa lagu dilay Muqdisho kadib markii gaarigiisii lala beegsaday qarax gaari.
Kooxda hubaysan ee Al-Shabaab ayaa sheegtay in ay iyagu ka dambeeyeen qaraxa gaariga ee lagu dilay Goobaale.
Maleeshiyada Al-Shabaab ayaa laga saaray magaalada Muqdisho sanadkii 2011-kii, balse maleeshiyada ayaa wali wada weeraradeeda ku dhufoo ka dhaqaaqa ah oo ka dhanka ah dowlada Soomaaliya iyo bartilmaameedyada militari.
Related Posts
August 30, 2017 Shir ay hoggaaminayso Wasaaradda Arrimaha Gudaha ee Dowladda Federaalka Soomaaliya oo ka dhici doona gudaha magaalada Garoowe
June 4, 2020 Duulimaadyada maxaliga ah ee Soomaaliya oo dib u bilaabman doona asbuuca soo socda
April 8, 2018 Baarlamaanka Soomaaliya oo Isniinta kulan yeelan doona si ay cod ugu qaadaan mooshinka ka dhanka ah guddoomiye Jawaari
October 28, 2018 Madaxweynaha Puntland oo taliyeyaal cusub u magacaabay ciidamada milatariga iyo booliiska
Be the first to comment