Imaaraatka ayaa jabsatay wakaalada wararka Qatar website-keeda iyo baraheeda bulshada waxaana lagu qoray hadalo been ah oo laga soo xigtay Amiirka Qatar Shiikh Tamim Bin Hamad al-Thani, sida uu daabacay wargeyska Washington Post oo soo xiganaya saraakiil katirsan sirdoonka Mareykanka oo magacooda qariyay.
Jabsashada ayaa dhalisay in uu joogsamo xiriirkii u dhaxeeyay Qatar iyo shan wadan oo ah dariskeeda Khaliijka oo uu hoggaaminayo Sucuudi Caraabiya.
Ilaa iyo shantii bisha June, Qatar ayaa waxaa saaran xanibaad dhanka cirka iyo badda ah oo ay ku sameeyeen Sucuudi Caraabiya, Isutaga Imaaraatka Carabta, Masar, Baxrayn,yo Yemen, kuwaasoo ku eedeeyay Dooxa in ay taageerto argagixisada.
Jabsashada ayaa dhacday qiyaastii 24 bishii May, sida ay wararku sheegayaan.
Qoraalada la jabsaday oo beenta ah ayaa lagu sheegay in Iran ay tahay awooda Muslimiinta iyo sidoo kale qoraalo kale oo ka dhan ahaa Boqorka Sucuudiga.
Imaaraatka ayaa qaadacay warbixinta Washington Post iyada oo safiirka Imaaraatka u fadhiya gudaha Mareykanka u bayaan ku sheegay in warbixintu ay tahay mid “been ah”.
Related Posts
April 28, 2018 Suicide bomber kills four army officers in Galkayo
September 4, 2019 Soomaaliya oo sheegtay in aysan marna gorgortan ka geli doonin muranka badda kala dhaxeeya Kenya
February 16, 2018 Sargaal katirsan Al-Shabaab oo isku dhiibay ciidamada dowladda Soomaaliya ee gobolka Gedo
June 24, 2017 Mareykanka oo sheegay in liiska argagixisada uu ka saaray Mukhtaar Roobow Abu Mansuur oo kamid ah hoggaamiyaasha Al-Shabaab
Be the first to comment