Hargeysa-(Puntland Mirror) Waxaa galabta magaalada Hargeysa ee xarunta maamulka Somaliland ku geeriyooday fanaankii caanka ahaa ee Soomaaliyeed Shay Mire Dacar.
Geerida fanaanka ayaa waxaa laanta Af-Soomaaliga BBC u xaqiijiyay Caabi Mire Dacar oo ahaa fanaanka walaalkiis oo isna fanaan ah.
Caabi Mire ayaa sheegay in mudo ah in fanaanka uu xanuun u jiifay gurigiisa oo ku yaala Hargeysa.
Shay Mire Dacar wuxuu fanka ka bilaabay magaalada Ceerigaabo sanadadii 80-kii kadibna wuxuu uga soo gudbay magaalo xeebeedka Boosaaso oo uu ku noolaan jiray sanadadii 90-kii.
Sanadadii dambe wuxuu ku noolaa magaalada Hargeysa, isago marar badan barnaamij faneedyo u tagay dalka Jabuuti iyo magaalada London oo uu mar uga qayb galay barnaamijka todobaadka Soomaalida.
Heesihiisii caanka ahaa waxaa kamid ah, Beerkey Adaa Ku weyn, Bishaaro, Wacaneey Ayaamahaan, Wada noolaado nabad ku waara iyo Walle xalay xogtaan helay.
Related Posts
July 4, 2016 Puntland President dissolves Galkayo local council
March 24, 2021 Madaxweynaha Jubbaland oo xilka ka qaaday wasiirkiisii amniga Cabdirashiid Janan
February 18, 2017 Afhayeenkii hore ee maamulkii Ximin iyo Xeeb oo Muqdisho lagu dilay
August 23, 2017 Kooxdii ugu horeysay oo ciidamo Turkiga ka socda ah oo yimid Soomaaliya
Be the first to comment