Abaanduulaha ciidanka Soomaaliya Cabdullaahi Cali Caanood ayaa sheegay in dowladda Soomaaliya ay la wareegtay ciidankii ay gacanta ku hayeen Imaaraatka Carabta.
Caanood ayaa intaas ku daray in hadda kadib ay dowladda federaalka Soomaaliya ay bixin doonto mushahaarka iyo tababarka ciidankaas.
Asbuucii lasoo dhaafay, Imaaraatka Carabta ayaa joojiyay taageeradii ay siin jireen ku dhawaad 2,000 oo katirsan ciidanka dowladda federaalka Soomaaliya oo ay gacanta ku hayeen tan iyo sanadkii 2014-kii.
Xiriirka u dhaxeeya labada dal ayaa meel xun gaaray maalmihii lasoo dhaafay kadib markii ciidamada ammaanka ee ku sugan Muqdisho ay 8-dii bishaan April qabteen lacag kaash ah oo ay siday diyaarad ka timid Imaaraatka.
Imaaraatka Carabta ayaa sheegay in lacagta oo dhan $9.6 milyan loogu talogalay in lagu daboolo mushahaarka 2,407 askari oo katirsan ciidamada Soomaaliya oo ay tababaraan Imaaraatka.
Xiriirka u dhaxeeya Soomaaliya iyo Imaaraatka ayaa xumaa tan iyo maamulka Madaxweyne Maxamed Cabdullaahi Farmaajo.
Related Posts
May 29, 2020 Golaha wasiirrada Soomaaliya oo ansixiyay ku noqoshada miisaaniyadda 2020 oo 35% la kordhiyay
August 24, 2018 Puntland President appoints intelligence chief without announcement: Sources
November 18, 2019 Dowladda Soomaaliya oo sheegtay in ay ka soo horjeedo go’aanka ay Qaramada Midoobay ku kordhisay cunoq-qabataynta hubka
April 10, 2023 Somaliland oo wajahaysa dhaqaale xumo uu sababay dagaalka Sool
Be the first to comment