Muqdisho-(Puntland Mirror) Doorashada Soomaaliya oo lagu balansanaa in ay dhacdo bisha September ayaa la filayaa in ay dib u dhacdo bisha December, sida ay Puntland Mirror u sheegeen ilo-wareedyo dibloomasi oo lagu kalsoonaan karo.
Doorashada labada aqal ee aqalka sare iyo aqalka hoose ayaa dhici doonta bisha October, sida ay sheegayaan ilo-wareedku.
Doorashada Madaxweynaha ayaa la filayaa in ay dhacdo bilowga bisha December ee dabayaaqada sanadkan, sida ku qoran dukumenti sir ah oo uu arkay warsidaha Puntland Mirror.
Dib u dhaca ayaa waxaa keenay arrimo farsamo oo ka yimid dhanka dowlada iyo guddiga madaxa-banaan ee doorashada.
Shirka hoggaamiyaasha siyaasada Soomaalida oo dhawaan lagu qabtay magaalada Baydhabo ayaa hoggaamiyaasha ku heshiiyeen qorsho hawleedka doorashada oo lagu heshiiyay in doorashada ugu dambaysa ee Madaxweynaha ay dhacdo tobanka bisha September.
Madaxweynaha dowlada federaalka Soomaaliya Xasan Shiikh Maxamuud oo hadda wakhtigiisa sharciga ah ku egyahay bilowga bisha September ayaa doonaya in markale dib loo soo doorto.
Iyadoo mudada ay ku egtahay baarlamaanka hadda jira ay ka harsantahay muddo bil ah wax ka yar ayaan magaalada Muqdisho ee caasimada Soomaaliya iyo gobolada kale ee dalka laga dareemayn wax olole ah.
Wasaarada amaanka dowlada federaalka Soomaaliya ayaa soo saartay asbuucaan amaro lagu xadidayo shirarka siyaasadeed ee lagu qabanayo huteelada Muqdisho.
Related Posts
March 25, 2018 Al-Shabab members sentenced to prison
April 26, 2017 Ciidamada ammaanka Puntland oo magaalada Boosaaso kusoo bandhigay walxaha qarxa iyo nimankii watay
July 2, 2016 Shiikh Muqdisho lagu dilay
August 4, 2016 Somali knife attacker kills American woman in London
Be the first to comment